(NI NOEL ABUEL)

KUMPIYANSA si Senate President Vicente Sotto III na mananatili pa rin itong pinuno ng Senado hanggang sa pagbubukas ng 18th Congress sa Hulyo 22.

Ayon kay Sotto, base sa nakarating na impormasyon dito ay marami pa ring kapwa senador nito ang nagtitiwala sa pamumuno nito sa Senado.

“Mukhang ganu’n ang gusto ng majority ng mga kasama ko, ako pa rin ang maIhalal,” ani Sotto sa panayam sa radyo.

Idinagdag pa nito na halos kumpleto na ang mga komite sa Senado na hahawakan ng mga senador kung saan nasa dalawang komite na lamang ang pinag-aagawan kung kanino mapupunta.

“Medyo buo na, isa-dalawang committees na lang ang hindi malinaw,” sabi nito.

Si Sotto ay naihalal bilang Senate President noong 2018 kasunod ng nilagdaang resolusyon ng 15 senador.